Comezou o acto a Xerente de ORPAGU, Dª Juana Parada Guinaldo, agradecendo a presenza das autoridades e sinalando que dita presentación e froito da colaboración que veñen mantendo ORPAGU e INFORMATICA SAN BENITO en materia de investigación e formación que deu como resultado o desenrolo dunha “Acción Complementaria” e un “Contrato Programa” que constaba de 4 cursos específicos para o sector do mar.

A continuación D. José Manuel Domínguez Freitas, Alcalde de A Guarda, indicou que a formación e fundamental nestes tempos de crises, e puxo como exemplo o pasado Obradoiro de Emprego (noticia que saíu na prensa o pasado xoves 18/12/08). Tamén valorou positivamente a importancia de iniciativas coma a de ORPAGU e INFORMATICA SAN BENITO, por fomentar a formación, engadindo que o Concello ten as portas abertas para este tipo de iniciativas.

A continuación, D. Pedro Rodríguez, Consultor de Formación de Informática San Benito.
Falou dos resultados da Acción Complementaria 08. “Sectores económicos estratéxicos da Comarca do Baixo Miño: estudo de detección de necesidades formativas”, que xa se expuxera o pasado 30 de setembro en Santiago dentro das Xornadas que organiza a Xunta de Galicia, pero que se quixo dar a coñecer para todos os axentes locais e comarcais participantes e interesados no proxecto, para iso sintetizouse esta información nunhas diapositivas ademais dun manual facilitado a os asistentes. Cabería destacar que o estudo non só se referiu a pesca, senón tamén a todos os sectores económicos do Baixo Miño.

A continuación, e acolléndose a nova convocatoria de Accións Complementaria da Xunta de Galicia, ORPAGU e INFORMATICA SAN BENITO, propoñen un novo estudio que leva por título: “Deseño metodolóxico dunha correlación de natureza descritiva e prospectiva entre a formación profesional e as ocupacións SISPE ligadas ás cualificacións profesionais agrarias, marítimo-pesqueiras e industriais-extractivas”, que ten por obxectivos os seguintes:

- Que a realidade das ocupacións teña un reflexo na oferta da formación profesional autonómica.
- Que exista a posibilidade de mellorar o axuste entre a oferta formativa e a demanda real de traballo no ámbito multisectorial do proxecto.
- Deter no medio prazo o decrecemento da afiliación de traballadores/as adscritos ás ocupacións do ámbito multisectorial do proxecto.
- Acadar unha mellora na calidade formativa e ocupacional dos estudantes e traballadores/as pertencentes as ramas profesionais do proxecto.

D. Lino Lema Bouzas, Xefe del Servizos de Estudos Pesqueiros da Consellería de Pesca, destacou e felicitou a ORPAGU polos cursos realizados destacando os de Novas Tecnoloxías e fixo incape na necesidade fundamental da formación a medida, por sectores, ademais do interesante do novo estudo proposto para conseguir que a formación sexa o mais axeitada posible para os profesionais do sector. Sinalou que dende a Consellería de Pesca, teñen cabida proxectos innovadores coma este desenrolado por ORPAGU e INFORMATICA SAN BENITO.

A continuación D. Pedro Rodríguez, Consultor de Formación de Informática San Benito, comentou os resultados do Contrato Programa ORPAGU 08, así como comentou as propostas para o Contrato Programa Formativo do 2009, no que destacou a aposta por a continuación dos cursos do 2008 e como novidade, o curso de “Seguridade Integral de Buques: Identificación de factores de risco nun barco de pesca”.

D. Juan José Escolar Calzón, Capitán Marítimo de Vigo, citou a necesidade da formación no sector pesqueiro en materia de riscos, falou da necesidade fundamental da formación na pesca e sobre todo no ámbito de seguridade e riscos laborais, sendo esta unhas das maiores preocupacións da administración e felicitou a ORPAGU e INFSB pola labor desenvolvida.

Acabou D. José Bernardo Rodríguez González, Xefe do Servizo de Seguridade Marítima de Vigo. Comentou algunhas anécdotas sobre temas do mar, e falou sobre un dos cursos propostos para o novo plan formativo, que vai a tratar de temas de seguridade nos barcos, conceptos como a estabilidade, incendios, abordaxes e aspectos legais.

Dª. Juana Parada Guinaldo, Xerente de ORPAGU, clausurou o acto, e invitou a os asistentes a un viño galego.